ޕެރެގްރާފް ލިޔުން

މި ހުށަހެޅުމުގައި ވާނީ ޕެރެގްރާފެއް ލިޔުމުގެ ހުނަރުތަކާއި ސަމާލުކަން ދޭންވީ ކަންކަން ބަޔާންކޮށްފައިވާނެއެވެ.

ބްލޮގާއި ބެހޭ ގޮތުން ދެތިން ބަހެއް.

ބްލޮގެއް ހިންގުމުގެ ވިސްނުން އަބަދުވެސް ގެންގުޅުނު ނަމަވެސް މި މަސައްކަތައިގެން ކުރިއަށް ދާނެ ގޮތަކާއި ޚިޔާލެއް ވިސްނުމަށް ނައިސް ހުއްޓާ މާރސްޓަރސްއިން އެޑިއުކޭޝަން (ދިވެހި ލޭންގްއިޖް) ކޯހުގެ މޮޑިއުލްއެއް ކަމުގައިވާ އައިސީޓީ އިން އެޑިއުކޭޝަން މި މޮޑިއުލްގައި ބްލޮގް ހެދުމާއި ވެބްސައިޓް ހެދުމުގެ ގިނަ މަސައްކަތްތަކެއް ކުރަންޖެހުނު ކަމަކީ ހަޤީޤީ މާނައެއްގައި މި މަސައްކަތް ކުރެވެން މެދުވެރިވި މައިގަނޑު ސަބަބެވެ. ކުލާހުގެ މަސައްކަތްތަކުގެ ތެރެއިން ބްލޮގެން އަމިއްލަ މަސައްކަތްތައް ހިމަނައިގެން ހިންގުމަށް ދާރިސާ ދެއްވެވި ހިތްވަރަކީ މި ބްލޮގްގެ އަސްލެވެ.

ތަޢާރަފް

އަޅުގަނޑު ޢާއިޝަތު ނިޔާޒާއަކީ 2013 ވަނަ އަހަރު ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އާރޓްސްއިން ދިވެހިބަހުގެ ޑިގްރީކޯސް ފުރިހަމަ ކުރުމަށްފަހު އަމިއްލަ ރަށް ކަމުގައިވާ ށ.ބިލެތްފަހީ ސްކޫލުގެ ދިވެހި މުދައްރިސެއްގެ ވަޒީފާ 2019 ވަނަ އަހަރާއި ހަމައަށް އަދާކޮށްފައިވާ މީހަކީމެވެ. އަޅުގަނޑުވާނީ 2016 ވަނަ އަހަރު ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އެޑިއުކޭޝަންއިން ޕޯސްޓް ގްރެޖްއޭޓް ޑިޕްލޮމާރ އިން އެޑިއުކޭޝަން ފުރިހަމަކޮށްފައެވެ. އަދި މިހާރު މިދަނީ މާރސްޓަރސްއިން އެޑިއުކޭޝަން (ދިވެހި ލޭންގްއިޖް) ކޯހުގައި ކިޔަވަމުންނެވެ. މި ވަގުތު ވަޒީފާ އަދާކުރަމުން މިދަނީ އަޙްމަދިއްޔާ އިންޓަރނޭޝަނަލް ސްކޫލްގެ ދިވެހި މުދައްރިސެއްގެ މަޤާމުގައެވެ. އަޅުގަނޑަކީ ދިވެހިބަހަށް ލޯބި ކުރާ ފަރާތެއް ކަމުގައިވާތީ މިހާތަނަށް ކުރެވިފައި ހުރި ދިވެހިބަހާއި ގުޅުން ހުރި މަސައްކަތްތައް މި ބްލޮގްގައި ޚިއްސާކުރުމަށް ޤަސްތުކުރަމެވެ. އުންމީދަކީ މި މަސައްކަތްތަކުން ދިވެހިބަސް ކިޔަވާ ކުދިންނަށާއި މުދައްރިސުންނަށް ބޭނުންތެރި މަސައްކަތްތަކެއް ފޯރުކޮށްދެވޭނެ ކަމަށެވެ.

ޕެރެގްރާފް ލިޔުން